TANTANGAN SOUTH COTABATO – Gipatay sa hubog nga amahan ang iyang duha ka mga gagmayng anak nag-edad og 4 og 6 anyos tungod sa sobrang selos og depresyon sa munisipyo sa Tantangan probinsya sa South Cotabato.
Pasado alas-7:20 sa buntag adlawng Martes Hulyo 10 ning tuiga napalgan sulod sa ilang gipuy-an sa Purok 3, Barangay Dumadalig, Tantangan, South Cotabato sa ilang lola nga wala nay kinabuhi ang duha ka mga gagmayng bata nailhan sa mga pangalang Jhelo og Biboy samtang nasapwan sad ang ilang amahan nga si Willy Enalbes 31 anyos construction worker.
Sa imbestigasyon sa Tantangan Municipal Police Station pinaagi sa hepe nga si Senior Inspector Reden Cristologo nga mismo ang amahan ang nipatay sa kaugalingon niyang mga anak pinaagi sa pagduslak og kutsilyo sa ilang dughan bag-o nagpakamatay ang amahan.
Tungod matod pa sa sobrang selos og depresyon ang nakit-an nga hinungdan sa suspek nganong nahimo niini ang krimen.
Anaa sa Metro Manila ang asawa ni Willy nga nag-asikaso sa mga dokumento aron makatrabaho sa abroad isip household worker.
Dugang kay PSI Cristologo, naa sa poder sa ilang lola Marciana ang duha ka mga bata dihang gikuha pagkagabie adlawng Lunes sa hubog nga amahan bag-o nahitabo ang krimen.
Narekober sa SOCO Team ang didto sa crime scene ang kutsilyong gigamit sa suspek o gang safety harness nga gigamit pag-suicide sa amahan ingon mana ng cellphone nga may mga text messages sa mag-asawa nga naglalisay pa.
For more info’s and updates, like and share our official facebook account : www.facebook.com/ifm91.9Gensanofficial/
