Girescue sa mga ginsakpan sa Police Station 5 Macabalan ang duha ka menor de edad nga babaye human kini sila gireklamo nga nagsaba-saba kauban ang mokabat sa kapin kung kulang 20 ka laing mga batan-on diha sa District 2, Barangay Consolacion mga alas tres sa kadlawon.
Anaa sa 13 ug 15 anyos ang pangidaron sa maong mga menor de edad nga taga Barangay Cugman ug Barangay Camaman-an.
Nasayran nga naglumba nagpanagan ang laing mga batan-on sa dihang nangabot ang mga otoridad ug ilang nadiskobre nga nag-inom kini sa maong dapit ug gilayong girescue ug gidala sa Police Station 5 Macabalan ang maong mga menor de edad.
Sa pagkakaron ang maong mga menor de edad ang gi-turn over na sa City Social Welfare Department.
Facebook Comments
