GUIHULNGAN CITY, NEGROS ORIENTAL – Gin-aresto sang mga otoridad ang duha ka mga menor de-edad nga gina-alegar may partisipasyon sa pagluthang pagpatay sa isa ka Citizen Armed Forces Geographical Unit (Cafgu) member sa Negros Oriental sang Enero 28, 2021. Ang mga naaresto ang naga-edad sang 16 kag 17-anyos. Sila ang naaresto sa hot pursuit nga ginpatigayon sang Guihulngan City Police Station.
Ang biktima sang krimen ang ginkilala kay Mico Denoy, 28-anyos, miembro sang Imelda Cafgu Patrol Base, kag residente sang Barangay Imelda, Guihulngan City, Negros Oriental.Santo sa imbestigasyon, nagamaneho si Denoy sang iya motorsiklo kag pauli na sang ginluthang sang wala nakilal-an nga mga suspetsado sa bahin sang Luz-Hinakpan Road.
Off-duty sadto si Denoy sang ini ang ginluthang. Nakaangkon ini sang multiple gunshot wounds matapos ginluthang gamit ang caliber 45 pistol.
[image: image.png]
