Nadala sa hospital ang usa ka syete anyos nga bata human mabanggaan sa motorsiklo sa Tagoloan, Misamis Oriental.
Biktima mao si Angelica Isahig, taga Barra, Opol, Misamis Oriental.
Nasayran nga kalit nga mitabok sa dalan ang bata hinungdan nga nabanggaan kini sa motorsiklo nga gimaneho sa usa ka Roman Jailani.
Nasayran usab nga si Jailani na ang midala sa bata sa hospital ug andam kini nga mobayad kung moreklamo ang ginikanan sa bata kinsa luwas na sa peligro karong panahona.
Samtang, laing 12 anyos nga batang lalaki ang nabanggaan sa pribadong sakyanan, sa Lomboy, Barangay Indahag ning syudad.
Biktima nailang si Jade Vincent Ansen, residente sa maong lugar.
Nasayran nga samtang pauli ang bata, mitabok kini sa dalan nga maoy hinungdan nga nabanggaan kini sa pula nga Toyota Innova.
Naangkon sa bata ang bun-og sa kalawasan kinsa pabiling nagpaayo karon sa Northern Mindanao Medical Center kon NMMC.
By: kasamang Mishelle Mesias-Enloran
