Dapitan City – Balhug karon sa prisohan sa Dapitan City Police Station ang usa ka lalaki ug usa sab ka babaye nga drug suspek human nadakpan sa gilusad nga drug buy-bust operation sa City Drug Enforcement Team sa Dapitan PNP uban ang Provincial Intelligence Brach sa Zamboanga del Norte Police Provincial Office ug PDEA 9 alas 6:15 kagabii didto sa Purok San Jose, Barangay Bucana Sicayab, Dapitan City.
Naila ang mga dinakpan nga sila si David Mark Datoy Tulawie, 36 anyos, minyo kinsa top 3 drug personality, Rosalie Cadano Adraincem, 43 anyos, minyo, mao sab ang top 1 drug personality sa Dapitan CPS diin ang duruha polos lumulupyo sa maong barangay.
Subay sa report nasikop ang duruha human nakigbinayloay sa ahente sa operatiba, bugti usa ka dakong pakete sa ginadiling drogang shabu sa kantidad nga P1,000.00 ka pesos.
Gawas pa niini nakompiska pa ang laing lima ka mga dakong pakite sa ginadiling drogang shabu, lakip nabawi ang duha ka tag P500.00 pesos nga mark money, paper clip box maoy gisudlan sa droga duha ka celphone ug ang usa ka unit sa hyundai accent nga sakyanan dunay yawe kolor gray ug silver combination maoy gigamit sa illegal nga transaction.
Ang mga nasakmit nga mga druga gikan sa duruha gikustodiya na sa Dapitan PNP ug gikatakdang itugyan unya sa Provincial Crime Lab.
Gihikay na ang kasong kalapasan sa Republic Act 9165 o comprehensive dangerous drug act of 2002 batok kanila.
