Duha ka mga empleyado sang provincial government sang South Cotabato ang ginrekomendar sang Provincial Accounting Office nga kakason sa payroll ukon indi makabaton sang ila nga sweldo matapos nga wala suno pa nakaliquidate sang cash advances sang selebrasyon pa sang T`nalak Festival sang bulan sang Hulyo.
Suno kay Provincial Accountant Cynthia Barrientos tubtob nga indi ang mga ini makaliquidate indi man sila maswelduhan kag indi makabaton sang bonus subong man iban pa nga benefits.
May-angot sini, ginremind man ni Barrientos ang mga empleyado sang provincial government nga sa Disyembre 10 subong nga tuig ang deadline sa pagsubmitir sang tanan nga cash advances.
Ang nasambit nga tikang sang talatapan ang kabahin sang natalana nga closing of the books of account sang provincial government subong nga tuig.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
