Davao City – Libuan ka mga kapulisan ang ipang-deploy sa dakbayan sa Davao alang sa seguridad sa Kalagkalag.
Sa interbyu sa RMN Davao kang Davao City Police Office City Director Police Col. Kirby John Kraft nga alas-3:00 sa hapon ipahigayon ang send off ceremony uban ang lain pang law enforcement units sa DCPO grounds.
Hugot nga pahimangno si Kraft sa tanang kapulisan sa syudad nga siguraduhon gayod nga walay makalusot nga mga kontrabando ug uban pang gidili sa mga sam-ang.
Preparado usab ang mga pulis kinsa natutok alang sa seguridad sa Roman Catholic Cemetery diin lauman nga muduaw si Presidente Rodrigo Duterte sa mosoleo sa iyahang mga ginikanan.
Panawagan ni Kraft sa mga Davaoeños nga dili usab pasagdan ang ilahang mga panimalay ug una manlakaw nakasirado kini o adunay magbantay aron dili makahigayon ang mga kawatan.
24/7 nga intensified nga pagpatrolya ang himuon sa mga awtoridad sa entero lungsod aron mapugngan ang mga krimen.
RadyoMaN Aimee Guinita
