Gipangunahan sa tropa sa 2nd Scout Ranger Battalion ug sa 8th Infantry “Dependable” Battalion, sa Philippine Army ang pagrespondi sa usa ka report sa concerned citizen sa maong lugar kabahin sa presensiya sa mga armadong grupo sa NPA nga gapangilkil ngadto sa mga residente. Human ang panagbinayloay og bala, narekober sa mga militar ang duha ka patayng lawas nga nailing sila Alias Draw, miyembro sa Squad 1, Platoon Dario, Sub-Regional Committee 2, North Central Mindanao Regional Committee (NCMRC) ug si Alias Paet, Communication Staff/Special Operations Group/Intel sa Regional Operations Command, ug NCMRC. Samtang laing duha pa ang nadakpan nga sila Nisy Sante, Alyas Arnold, 72 Compaq, NCMRC, ug si Gelloye Lipanya Sagula, alyas Janjan, 20 anyos, miyembro sa Squad 2, Team Abe sa susamang unit.
Narekober human sa engkwentro tulo ka kalibre .45 nga pistol, usa ka 9mm pistol, lima ka magazines, usa ka cellphone, ug mga medical supplies.
Narescue usab sa mga militar ang pito ka sibilyan lakip ang upat ka menor de edad human ang nahitabong engkwentro.
Gipamahayag ni LTC. Anthony Bacus, Commander sa 8IB,PA nga nasalbar ang mga sibilyan human nga gihadlok ug gipangkilkilan sa mga teroristang NPA.
Dugang niya nga ginahulatan nalang nila ang mga pamilya sa mga namatay aron hingpit nga mapahiluna samtang padayon iyang panawagan sa mga nahibiling miyembro sa NPA nga mutahan ug panghimuslan ang programa sa gobyerno alang kanila.
