Gikabutyag sa Incident Management Team (IMT)sa Malaybalay City nga dili bakunado ang mga nakabsan sa kinabuhi gumikan sa Covid-19 adtong milabayng Domingo.
Sa pamahayag ni Arlyn Cabigas, IMT-Malaybalay City Focal Person ug City Tourism Officer atol sa interview, gibutyag niini nga dili mga bakunado ang mga namatay batok sa Covid-19 adtong milabayng Domingo.
Sa datos nga gipagawas sa dakbayn sa Malaybalay pinaagi sa City Health Office, miabot sa 113 ang mga bag-ong kaso sa dakbayan adtong milabayng Domingo diin 68 ang mga nakarekober.
Hugot nga panawagan karon sa dakbayan ngadto sa katawhan nga magpabakuna aron dili grabe ang makuhang epekto kung ugaling matakbuyan sa Covid-19.
Kasamtangang 154 ang ihap sa mga namatay gumikan sa impeksiyon sa Covid-19 sa dakbayan sa Malaybalay.
Facebook Comments
