Nagalab-ot man sa tion nga napanumduman na sang pila ka frontliners nga mag-untat sa ila trabaho sa tunga sang COVID-19 pandemic.
Nasugilanon sang DYHB ang duha ka mga school nurse nga sanday Ma. Salvana Clavel kag Sheila Bebano nga assigned sa Murcia-Mansilingan boundary border check-up point.
Gin-ako nila nga sa isa na ka bulan nga Enhanced Community Quarantine (ECQ) kag padayon ang ila duty, nagakahadlok naman sila para sa ila kaugalingon.
Naga-abot man sa punto, suno sa ila nga luyag na nila mag give-up, apang may ginsumpaan sila nga obligasyon.
Para sa duha ka nurses, amo na man lang ini ang ila mabulig sa sosyudad sa tunga sang pandemic.
Nagakasubuan man sila magpauli pagkatapos sang duty bangud indi na nila mahakos ang ila ginikanan kag iban nga miembro sang ila pamilya, apang una nila nga ginapaminsar ang safety sang tanan.
[image: image.png]
