General Santos City–Gipakanaugan na ug desisyon sa sangguniang panglungsod sa gensan ang duha ka mga opisyal sa barangay Bula ning syudad human silang gireklamo sa pagpangulata sa usa nila ka residente sa maong lugar.
Sumala ni Kagawad Ed Yumang, naghupot sa blue ribbon committee sa city council, 30 ka adlaw nga punitive suspension ang ilang gipahamtang ngadto na kang Kapitan Remus De Claro ug Kagawad Dante Granada.
Kini lahi usab sa gipakanaog nga 15 ka adlaw nga preventive suspension nga una nang gipahamtang sa duha ka mga opisyal isip kabahin sa imbestigasyon ngadto sa duha ka mga opisyal.
Dugang pamahayag ni Kagawad Edmar Yumang nga basi sa ilang imbestigasyon nakahimo gyud ug grave misconduct ang duha ka mga opisyal hinungdan nga ilang nadesisyonan nga suspendihon si kapitan De Claro ug kagawad Granada.
Matud ni Yumang nga higayon nga madawat na sa nasampit nga mga opisyal ang kopya sa kamanduan gilayon na nga magsugod ang 30 ka adlaw nga pagsuspensu kanila. (Jordan Britos)
(Photo from Web)
