BACOLOD CITY – Gintiro patay ang isa ka amay sang wala makilala nga suspek nga riding in tandem mga las 11:20 kagab-i sa Goldenfield Commercial Complex.
Nakilala ang biktima nga si Jeffrey Abendan, 41 anyos ang edad, pumuluyo sang Purok San Flower, Brgy. Taculing, Bacolod City.
Base sa inisyal nga imbestigasyon sang Police Station 8, ang biktima upod ang isa ka babayi ang nagpadulong sa isa ka store kag nagbakal sang pizza.
Matapos nag-gwa sa baligyaan, ini sila ang naghulat sang taxi kag sang buot na na magsulod, ini siya ang ginpalapitan sang riding in tandem kag gintiro sang isa sa mga sakay sini.
Duha ka beses nga naigo sa iya ulo ang biktima subong man may igo pa gid ini sa idalum sang iya tuo nga ilok nga amo ang rason sang iya gilayon nga kamatayon.
Suno sa mga naka kita, ang mga suspek ang sakay sang isa ka itom nga motorsiklo sakay ang mga naka jacket itom kag nagakalo nga mga suspek.
