General Santos City— Girelib na si Police Chief Inspector Rexor Canoy, isip hepe sa Police Station 4 ug Police Chief Inspector Joseph Forro, labaw sa Mobile Patrol Unit human ang kasong gikalambigitan ni PO1 Rasel Blabagno Jr.
Sumala kang Police Senior Superintendent Romeo Ruel Berango, acting City Director sa General Santos City Police Office nga narelib si PCI Forro gumikan siya maoy labaw sa buhatan kung asa naka-assign si PO1 Blabagno.
Samtang si PCI Canoy, sa iyahang area of responsibility nahitabo ang sumala pa pagpangtiun ug armas ngadto sa gwardiya ug ang pakyas niining paghatag gilayon ug report kabahin sa maong insidente.
Dugang pamahayag ni Col. Berango nga tumong sa maong aksyon mao ang pagpakita sa pagdisiplina sa kapulisan hilabina sa mga opisyal nga kinahanglan kabalo sila kung unsaon sa pagtubag sa susamang mga sitwasyon.
Mismong si Police Chief Superintendent Marcelo Morales, Regional Director sa Police regional Office 12 ang mihatag ug direktiba nga ibutang sa Regional Holding Area ang duha ka mga opisyal.
Samtang si PO1 Blabagno ang una na matud pang gibutang sa maong holding area gumikan sa mga kasong gipasang-at kaniya. Kalabot niini, gibutyag ni Col. Berango nga patong-patong nga kaso ang gipasaka batok kang PO1 Blabagno sama sa grave threat ingon man physical injury.
Samtang mag-atubang usab kini ug kasong administratibo lakip na ang pnp ethical code kung asa gina-did-an ang tanang pulis nga musulod ug unsa mang pasugalan.
Sa karon, nangayo na matud pa sila ug kopya sa CCTV sulod sa e-games nga nahimutang sa usa ka pribadong establishment aron masayran kung misulod kini sa casino.
