Gitangtang na sa pwesto ang duha ka opisyal sa Philippine National Police o P-N-P human sa misencounter tali sa army troops ug mga pulis sa Samar.
Kini mao silang Superintendent Glen Oliver Cinco, Officer-in-charge sa Regional Mobile Force Battalion o R-M-F-B 8 ug Chief Inspector Don Archie Suspeñe, commander sa 805th mobile company, R-M-F-B 8.
Matud ni Chief Director General Oscar Albayalde, gitangtang sila sa pwesto alang sa ginahimong imbestigasyon.
Ang engkwentro nahitabo mga alas 9:27 Lunes sa buntag kung asa nagka-engkwentro ang mga sakop sa 805th Company sa Regional Mobile Force Batallion ug mga miyembro sa 87th Infantry Battalion o I-B.
Nilungtad sa 20 minutos ang binayloay sa bala sa wala pa na-ingnan ang company commander sa 87th IB nga dunay mga pulis nga naghimo sa combat operation sa lugar.
