Miabot na kang Doctor Lucien Anthony Acac ang City Veterinary Officer ang paglabay sa duha ka mga baboy sa Zone 4, Barangay Bulua ning syudad.
Apan matud ni Doctor Acac, ang problema niini kay wala kini proper disposal.
Dugang pa ni Dr. Acac nga gianhaan na sa iyang mga kauban ang area aron nga susihon kung kini kinahanglan paba nga makuhaan og sample aron ma eksamin.
Nasayran nga kung kaya pa eksaminon ang mga baboy, dad-on kini sa Regional Animal Disease Diagnostic Lab aron masuta kung unsay hinungdan sa kamatayon sa mga baboy.
Samtang layo ra sa tinuod nga African Swine Fever kon A-S-F ang gikamatyan sa duha ka mga baboy nga gilabay sa Barangay Bulua ning syudad.
Matud ni Dr. Acac nga dili angay nga maghandum nianang sakita kay layo ra kini sa kamatuoran.
Dugang pa ni Dr. Acac nga pinaagi sa mga radio stations, kini ang ilang gihimo nga information arms aron nga ang saktong mga impormasyon kabahin sa A-S-F malabay sa mga lugar nga wala pa masayud kung unsa ang nasangpit nga sakit.
Nanawagan usab si Dr. Acac sa mga gapamuhi og baboy nga likayan ang pagpakaon og pasaw sa ilang mga baboy kay usa kini sa hinungdan kung nganong magsakit ang baboy sa ASF.
