Duha ka patayng lawas sa mga baboy ang nadiskubrihan sa mga residente sa Zone 4, Upper Bulua ning syudad.
Gilabay matud pa ang patayng mga baboy sa wala mailang mga tawo.
Matud sa residente nga si Arcelie nga gilubong na ang maong mga baboy tungod kay nanimaho na.
Dugang pa ni Arcelie nga gikuha sa mga sakop sa barangay ang mga baboy ug gilubong.
Samtang, gitawagan sa Barangay officials sa Barangay Bulua ang Sanitary inspector sa City Veterinary Office aron nga masusi ang duha ka baboy nga gilabay sa Zone 4, Upper Bulua.
Matud ni Kagawad Pacifico Luman nga nagtuo sila nga gagmay lang kini nga mga baboy apan tungod kay nanimaho na gipalubong na lang kini ni Kapitan Al Legaspi Jr.
Dugang pa ni Kagawad Luman nga sumala sa iyang pakighinabi sa mga residente sa area nga naghuot na sa sako sa feeds ang maong mga baboy.
