Gikatakdang buhian sa kapolisan sa Jaasan, MIs. Or. ang duha ka person of interests nga gikustodiya nila karon sa ilang buhatan sa Jasaan Police Station.
Kini human nga wala pa nagpakita sa ilang buhatan ang witness nga ila untang kuhaan sa affidavit, aron nga mosaksi nga niadtong higayona nga nahitabo ang krimen iyang nabantayan sa maong dapit ang duha ka tawo.
Gibutyag ni Police Chief Insp. Rogelio Labor, ang hepe sa Jasaan Police Station, nga sa karon padayon pa ang ilang gihimong imbistigasyon kalabot na sa pagpatay sa magtiayong senior citizens sulod sa ilang balay sa Sitio Kimama-on, Barangay Kimaya, Jasaan sa maong lalawigan.
Samtang….
Dili matud pa mahimong magpabilin sa ilang buhatan sa Jasaan Police Station ang duha ka persons with interest.
Kini ang gipahayag ni Chief INsp. Labor Jr., ilabina na nga walay gipasakang sumbong sa piskalya batok kanila.
Gibutyag sa maong opisyal nga basi sa ilang imbistigasyon nga walay kontra ang magtiayong silang Victorio ug Adelina Ipulan sa ilang dapit tungod kay maayo kini nga pamilya.
Gani bisan sa ilang pagsusi sa barangay, walay gikareport nga adunay kini nakitang kontra gumikan sa unsa mang rason.
