Davao City – Naglusad og Oplan Bulabog kun Joint Major Anti Criminality and Operation ang Sta. Ana PNP ug San Pedro PNP kagahapon sa ilang nagkadaiyang area of responsibility.
Base sa datos sa Sta. Ana PNP, adunay 346 ka mga tao ang gipailalom og profiling sa mga awtoridad diin adunay 261 ka mga tao nakapresinta sa ilang mga identification card kun ID ug 85 ka mga tao ang walay ID sa gilusad nga operation sa Brgy. Thomas Monteverde.
Samtang ang San Pedro police station adunay 117 ka mga tao ang naimbitahan ug gipailalom og profiling diin adunay 12 ka mga tao ang gikan sa Marawi City.
Sumala ni station commander Police Chief Inspector Ramil Macarampat, sagad nga ilang naimbitahan ang mga estudyante ug mga boarders sa Islamic Center sa Brgy. 39-D ning dakbayan.
Gidugan ni Macarampat nga ilang gitutukan ang Oplan Bulabog ingon man ang Oplan Pulong-Pulong sa mga barangay ug mga subdivision area ning suydad aron nga ang katawhan motabang ug makig kooperar sa mga pulis aron sa pagpakgang sa mga kadudahang lihok sa tao nga mangahas sa paghimo og dautang kalihukan ning dakbayan.
RadyoMan Don Pulayao
