Duha ang nakit-an nila nga problema sa ginpatigayon nga mock election dire sa probinsya sang Sabado nga adlaw suno kay Atty. Duque kadatuan, ginbutang sa subong nga Provincial Election Supervisor sang South Cotabato.
Ang una nga problema suno sa iya amo ang nagkambyohanay nga canvassing system para sa provincial level kag General Santos City amo nga ginkambyohan pa.
May-angot sini, ila irekomendar suno pa nga kinahanglan seguraduhon sang packing committee sang komisyon nga wala sang matabo nga misdelivery kag labelling.
Isa pa sa nangin problema suno kay Atty. Kadatuan ang nagluntad nga brown-out sa entire-coverage area sang SOCOTECO -1 sa pihak nga nagsulat na sila nga may mock election sang Sabado nga adlaw amo nga kinahanglan may standby generator gid sa Mayo 13 nga eleksyon.
Apang, sa pihak sang nasambit nga problema nangin madinalag-on ang transmission halin sa municipal board of canvassers sang Surallah kag city board of canvassers sang General Santos padulong sa provincial board of canvassers.
Dugang pa ni Atty. Kadatuan kon may magluntad man nga brown-out sa adlaw sang eleksyon may mga battery man ang mga vcm nga ideploy sa mga polling precinct.
Ginpatigayon ang mock election sa duha ka mga polling centers sa banwa sang Surallah sa diin yara sa duha ka gatos nga mga botante ang nagtesting sa Voters Counting Machine.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
