Samaran ang duha ka sakay sa motorsiklo human nakabangga sa pick up nga gimaneho sa usa ka pari duol sa SM Uptown, Barangay Carmen ning syudad pasado alas nuybe karong buntag.
Ang mga biktima mao silang Vicente Asni taga Yacapin Street ug Milca Mae Ikut taga Calaanan, Barangay Canitoan ning syudad.
Nasayran nga ang drayber sa motorsiklo nga si Asni naaangkon sa samad sa ulo ug ang angkas nga si Ikut, nakaangkon og samad sa abaga.
Samtang ang driver sa Nissan Calibre pick-up nailang si Father Lino Macatol, taga Barangay Patag ning syudad ug usa ka pari sa St. Francis Xavier sa Pueblo.
Gibutyag ni Father Macatol nga nakatabok na siya sa intersection ug kalit lang matud pa nitabok usab ang motorsiklo nga maoy hinungdan sa aksidente.
Daling gidala sa ospital ang duha ka samaran pinaagi sa rescue team sa Cagayan de Oro.
