Una na tagpahigayon na operasyon mga alas 6:50 kaganinang buntag na kon diin an nadakpan nakilay-an na si Alfredo Ermo Tresiana Jr., alias “Jan-Jan”, operator nan heavy equipment, residente nan P. Reyes St., Brgy. Taft, Surigao City. Nakuha gikan sa kamot niini an duha ka sachet sa tagtuohang shabu, P1,000 bill ug isa ka lighter.
Ikaduha na operasyon taghimo alas 3:00 kuman hapon, an nadakop si Robert Asupra Alemania, alias Bebet, 29 anyos, panday o laborer, residente nan Purok Ilang-Ilang, Brgy. Taft, Surigao City. Nakumpiskar gikan sa kamot niini an duha ka sachet sa tagtuohang shabu, P1,000 bill ug isa ka cellphone.
Tagtakda sang-atan nan kaso an duha ka suspek sa paglapas sa Republic Act 9165 o Comprehensive Drugs Act of 2002.
