Nasikop ang duha ka suspek sa pagpanglugos sa managlahing dapit ning syudad sa Cagayan de Oro.
Una niini nasikop sa Police Station 9 Macasandig ang usa ka Ronnel Cabanyes, 21 anyos nga taga Calaanan, Barangay Canitoan ning dakbayan kinsa milugos sa usa ka 9 anyos nga taga Lapaz Uno, Barangay Lapasan.
Matud pa nanguha lang kini og plastic kauban iyang inahan ug singko anyos nga manghod apan gitawag kini sa suspetsado dayon gipalitan kini sila og pan ug gidala sa sagbutang bahin diha sa rotunda ning dakbayan.
Nahitabo ang insdente mga alas 12 kapin sa udto kagahapong adlawa kinsa na kita sa igsoon niing singko anyos ang panghitabo ug gilayon kining mitug-an sa ilang inahan rason nga nasikop kini sa kapulisan.
Depensa sa suspetsado nga wala niini nahilabtan ang biktima apan niangkon kini nga naka.inom ug maka hithit og vulcaseal.
Samtang nasikop usab sa Police Station 2 cogon ang laing suspek sa paglugos sa usa ka dose anyos nga taga Brgy Macabalan.
Suspetsado mao si Elton Jhon Manaja, minyo, 25 anyos nga taga Ramonal Village, Brgy Camaman-an.
Depensa sa suspek nga uyab matud pa sila sa biktima kinsa klasmate sa iyang pag.umangkon.
Mga suspetsado karon ang detinado ug posibleng mag-atubang sa kasong pagpanglugos nga ipasaka batok kanila.
By: RadyoMaN Anne Jane Duhaylungsod
