Duha ka suspek sa pagpangulata patay sa usa ka lalaki, detinado

Detinado karon sa Police station 6 Puerto ang duha ka suspek sa pagpangulata patay sa usa ka lalaki, sa Barangay Puerto ning syudad.
Matud ni PO3 Gerson Codilla, ang imbestigador sa Police station 6 Puerto nga naila ang biktima nga si Rolando Alfitche, 26 anyos, ulitawo, taga Purok 7 Upper Puerto ning syudad, usa ka construction worker.
Samtang ang mga suspek naila nga sila si Bievenido Sawit, 18 anyos, ulitawo, ug Edison Osip, 24 anyos, minyo pulos residente sa maong dapit.
Nasayran nga basi sa gihimo nga imbestigasyon sa kapolisan, aduna nay daan nga bikil ang biktima ug ang mga suspek, kinsa mao karona ng gitutukan sa kapolisan.