Nasikop sa kapulisan sa Misamis Oriental ang duha ka tigpayuhot sa illegal nga druga atol sa duha ka joint drug buy bust operation.
Unang nasikop ang 28 anyos nga si Eric Tamayo nga taga Zayas, Carmen ning syudad sa Cagayan de Oro ug lumad nga taga Barangay Poblacion 2, Balingasag, Misamis Oriental.
Nakuha gikan kang Tamayo ang upat ka transparent cellophane nga adunay sulod gituohang shabu ug dos sientos pesos nga buy bust money.
Ikaduhang nasikop ang 36 anyos nga si Harold Ubalde taga Barangay Poblacion 4, Balingasag, Misamis Oriental.
Nakuha gikan kang Ubalde ang usa ka transparent cellophane nga adunay sulod gituohang shabu ug 500 pesos nga buy bust money.
Nasikop ang duha ka suspek sa kapulisan sa Misamis Oriental Drug Enforcement Unit ug Balingasag Municipal Police Station sa Misamis Oriental.
By: Radyoman Annaliza Reyes and Aiza Enloran
