Detinado karon sa Valencia City Police Station ang duha ka tigpayuhot sa illegal nga druga.
Ang mga suspek mao silang Cresante Bullecer, 46 anyos nga taga-Purok 15, Bagontaas ug Marlito Celestial, 29 anyos nga taga-Sumkist Village, Poblacion nga pulos sa Valencia City, Bukidnon.
Nasikop ang duha sa gihimong buy bust operation niadtong Sabado sa alas-6:30 sa gabii sa Purok-15, Bagontaas sa maong lungsod.
Kini pinaagi sa mga personahe sa City Drug Enforcement Unit ug operatiba sa Valencia City Police Station nga giunhan sa ilang hepe nga si Police Supt. Ritchie Yandug.
Nakuha gikan sa mga suspek ang usa ka sachet sa shabu nga gibaligya, laing usa ka sachet sa shabu nga anaa sa ilang posisyon ug usa ka 5 hundred pesos nga buy-bust money.
Sa karon ang maong mga butang ang gidala na sa Bukidnon Crime Laboratory Office, samtang ang mga suspek ang nag-atubang sa kasong pagsupak sa Republic Act 9165.
