Gin-rekomendar mismo sang hepe sang Bacolod Traffic Authority Office (BTAO) ang suspension sang duha ka mga traffic enforcer nga ginreklamo wala naga-practice sang physical distancing matapos nakita nga naga-angkasanay sa motor.
Suno kay BTAO head, Lt. Col. Luisito Acebuche nga ini matapos nga may mag-asawa nga nag-reklamo batuk sa amo nga mga traffic enforcer nga naga-angkasanay sa motor.
Base sa iya pagpangusisa, suno kay Acebuche ang mag-asawa yara sa ila nga bangga nagahulat sang sugat sang iya asawa bangud nga indi man niya ini pwede madul-ong sa iya motorsiklo kay ginadumili-an ang pang-angkas.
Apang, suno sa complainant nga naglabay ang duha ka traffic enforcer nga naga-angkasanay sa motorsiklo rason ini ang nagreklamo nga kon enforcer pwede lang maka-angkas pero kon sibilyan, dakpon gid dayon.
Bangud sini, gilayon ginpatawag ni Acebuche ang amo nga mga traffic enforcer, ginsermonan kag gin-akigan subong man iya gin-recommend ang suspension sang duha.
[image: image.png]
