Duha ka soldado pilason sa engkwentro nga natabo mga las otso y medya sang aga (8:30am) Abril 24 sa tunga sang tropa sang gobyerno -79th Infantry Battalion kag katapo sang rebelde nga New People’s Army nga naglawig sang kapin sa 30 minutos sa Barangay 11 (Gawahon) syudad sang Victorias.
Ginkilala ang mga nagkalapilasan nga soldado nga sanday Corporal Louie Maghanoy kag Corporal Ramy Chiefe.
Suno kay 303rd Infantry Battalion Commander Col. Inocencio Pasaporte, samtang nagapatigayon sang information dissemination angut sa COVID-19 ang mga katapo sang Scout Platoon sang Philippine Army sa pagpanguna ni 1Lt. Ricky Bartolome upod sang PNP-SAF ini sila ang naka-enkwentro sang indi pa matumod nga kadamuon sang rebelde.
Bangud sini, gilayon nga ginhatagan sang direktiba ang 79th Scout Platoon nga ginapamunuan naman ni 2Lt. Maverick Acierda nga magpatigayon sang blocking position.
Ginpahayag nga wala sang casualty sa bahin sang tropa sang gobierno samtang ginapatihan nga may mga napatay sa bahin sang rebelde.
Angut sini, natigayon nga ma-recover sa encounter site ang 2 ka improvised explosive device (IED), mga bala sang AK47 kag M16, mga subersibo nga dokumento kag iban pa nga mga kagamitan.
Ini ang ikaduha na nga engkwentro sa sini nga semana sa tunga sang tropa sang gobyerno kag NPA sa probinsya sang Negros Occidental matapos sa natabo sang Lunes nga engkwentro nga ginkapatay sang tatlo (3) ka soldado sa syudad sang Himamaylan.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
