Gisikop sa kapulisan sa Talakag, Bukidnon ang duha ka wanted persons sa managlahing higayon.
Lakip sa nasikop ang 62 anyos nga si Tomas Jarlata ug taga Canitoan, Initao, Misamis Oriental.
Si Jarlata gisikop sa Sitio Maligapok, Barangay San Antonio, Talakag, Bukidnon human nag-atubang sa kasong malicious mischief.
Nasikop ang suspek sa hiniusang pwersa sa kapulisan sa Talakag, Bukidnon ug Initao Municipal Police Station, Misamis Oriental.
Samtang sa Barangay Tikalaan,Talakag, Bukidnon usab nasikop ang wanted sa kasong paglapas sa Republic Act 10591 nga nailang illegal possession of firearms.
Ang suspek mao ang 25 anyos nga si Rocky Hagkap, ulitawo ug nagpuyo sa nasangpit nga lugar.
Gisikop sa kapulisan sa Talakag si Hagkap gamit ang warrant of arrest nga gi-isyu ni Hon. Evelyn Gamotin Nery, Presiding Judge sa 10th Judicial Region, Branch 11 sa Manolo Fortich, Bukidnon.
