Gisikop sa kapulisan sa Misamis Oriental ang duha ka wanted persons sa managlahing higayon.
Lakip sa gisikop mga alas 10 kagahapon sa buntag sa Zone 2B, Barangay Amoros, El Salvador City, Misamis Oriental ang wanted sa kasong paglapas sa city ordinance.
Kini mao ang 32 anyos nga si Zaldy Patlunag, minyo, taxi driver ug taga Zone 2, Molugan, El Salvador City, Misamis Oriental.
Samtang niadtong Dominggo sa gabie, nasikop sa kapulisan sa Gingoog City Police Station ug wanted sa kasong attempted homicide.
Kini mao ang 35 anyos nga si Jhunrel Daamo, ulitawo ug taga Purok 6, Molugan, Barangay Mimbunga, Gingoog City, Misamis Oriental.
Temporaryong makagawas si Daamo kung makapiyansa og 12-mil pesos.
Facebook Comments
