Wala maka-ipsot sa Lambat Sibat Operation sa Carmen Police Station ang duha ka lalaking wanted nga parehong nag-atubang sa kasong paglapas sa Republic Act 9262 o Anti-Violence Against Women and their Children Act.
Mga alas 8 kagahapon sa buntag, unang nadakpan sa Carmen Police station sa GSIS Compound sa Barangay Carmen si Vilito Pacturan pinaagi sa Warrant of Arrest nga gi-issue ni Judge Richard Mordeno sa Regional Trial Court Branch 22.
Gawas ni Pacturan, nasikop usab sa kapolisan mga alas 3:30 kagahapon sa hapon ang usa ka Francisco Camillon nga taga Palayo, Siayan, Zamboanga del Norte.
Nadakpan si Camillon sa Lambat Sibat Operation sa Carmen Police Station sa Family Homes, Barangay Balulang ning syudad.
Si Camillon, gisikop sa Joint Operation sa Carmen ug Siayan Police pinasikad sa warrant of arrest ni Judge Reymar Licaya sa Regional Trial court Branch 11, sa 9th Judicial Region sa Zamboanga del Norte.
Temporaryong makagawas si Camillon kung makapiyansa og 24-mil pesos.
