GENERAL SANTOS CITY- Nadakpan sa joint buy-bust operation sa Philippine Drug Enforcement Agency (PDEA) Regional Office 12 – Sarangani Provincial Office ubos sa pag-supervise ni Director Naravy Duquiatan ug sa General Santos City Police Office-Police Station 4 and duha ka lalake sa Villegas Subdivision, Barangay San Isidro, General Santos City niaging sayo sa buntag. Giila ang mga suspek nga silang Nestor Rosales alyas Boy, 29 anyos, ulitawo, way trabaho ug Henry Tutor alyas Kent, 24 anyos, ulitawo, parehong mga residente sa Capareda Street, Barangay Lagao. Matod sa PDEA 12, naaresto silang Rosales ug Tutor human nagkunsabohay og pamaligya og iligal nga droga na shabu ngadto sa PDEA agent na poseur buyer sa kantidad og 500 pesos na buy-bust money. Nakumpiska sa pag-amping sa mga suspek ang upat ka pakete sa shabu nagbalor og Php 2,720.00 ug ang motorsiklo gigamit sa maong transaksyon. Dugang sa PDEA 12, parehong target-listed personalities ang mga suspek nga ga-transport og illegal drugs gikan sa ilang source ngadto sa ilang customer sa dakbayan. Kasong pagsupak sa Section 5 (Sale and Transportation of Dangerous Drugs) ug Section 11 (Possession of Dangerous Drugs), Article II of Republic Act 9165 o Comprehensive Dangerous Drugs Act of 2002 ang giatubang sa duha. Nagpabiling gipaslak sa detention facility sa PDEA headquarters ang duha.
For more info’s and updates, like and share our official facebook account : www.facebook.com/ifm91.9Gensanofficial/
[image: duha dakpan sa buybust.jpg]
