BACOLOD CITY – Duha patay sa natabo nga vehicular accident sini gid lamang nga kaagahon sa taytay malapit sa San Antonio Abad Church, Lacson Extension, Bacolod City.
Ang dead on the spot amu si Dimple Ermeo nga mga pumuluyo naman sang Bago City samtang ang kaina nga ginabulong pa sa Corazon Locsin Montelibano Memorial Regional Hospital amu si Rommel Baones, 26 anyos sang Tiling, Cauayan apang nagapuyo temporaryo sa Rodriguez Baybay, Barangay 35, Bacolod City.
May mga las 3:30 kaina sang kaagahon, ang mga biktima ang nagasakay sa ila motor sa direksyon nga halin sa North pakadto sa South agud kuntani nga magapaduolong na sa Bago City.
Sa ila pag-abot sa taytay sa amo nga lugar, ini ang nag-overtake apang naglapaw ang ila motor rason nga nahulog ang mga biktima nga lunsay nag-angkon sang samad sa ila ulo kag iban pa nga bahin sang lawas.
Ginaalegar na naka-inom ang mga biktima sang natabo ang aksidente./dyHB BACOLOD
