Davao City – Duha na ang gideklarang patay kalabutan sa nadisgrasya nga Isuzu Elf Truck nahitabo niadtong milabayng adlaw didto sa Barangay Lamanan Calinan Siyudad sa Davao.
Subay sa report gikan sa kapolisan sa Calinan ang duha nga namatay mao sila Lenie Dabalos 49 anyos ug laing usa ka Engracia Jainar Ido, 62 anyos parehong nagpuyo sa Sitio Popo Barangay Inayangan Calinan samtang angol usab sila Ma Cheta Sarariz, Jomarie Dabalos, Marilyn Baja, Laijems Candia, Boy Patajo, Daniel Bustamante, Arivallia Vellaro parehong residente sa nahisgutang lugar.
Kahinumdoman human nadisgrasya ang ilang gisakyan nga Isuzu partikular sa dulhugon nga bahin sa karsada duol sa may Lamanan bridge kalit nawad-an og preno ang maong sakyanan hinungdan sa disgrasya.
Sa karon ang walo nga nagaangol nakarekober na human gipangdala sa Southern Philippines Medical Center samtang ang duha nga namatay gihaya na didto sa ilang pinuy-anan sa nahisgutang barangay.
RadyoMaN Don Pulayao
