Patay ang duha ka mga lalaki sang nagbunggo ang ila ginasakyan nga motorsiklo sa Ceres bus sa national high way, Osmeña Avenue , Brgy. 13, Victorias City, las-9:10 sang gab-i, Disyembre 14.
Ginkilala ang mga biktima nga sanday Earl Sorilla, 21-anyos, single kag residente sang Salvacion Subdivision, Brgy. 6, Victorias City kag ang angkas sini nga si Richard Christian Casin, 32, sang Salvacion Subd. Brgy. 7 Victorias City.
Santo sa imbestigasyon, halin sa norte nga direksyon ang motorsiklo sang nagbunggo ini sa Ceres bus nga may body number nga 5081 nga halin naman sa sur kag nag left turn padulong kuntani sa terminal.
Gindala pa sa Ikaayong Lawas Foundation Hospital ang mga biktima apang gindeklarar nga dead on arrival. Yara naman sa kustodiya sang pulis ang driver kag conductor sang bus.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
