LA CASTELLANA – Duha ang ginbawian sang kabuhi matapos nga maaksidente ang ila gina-sakyan nga motorsiklo, Sabado sang gab-e sa Antolan Bridge, Hacienda Conchita, Brgy. Robles.
Ang mga biktima nga nag-angkon sang multiple injuries amo sanday Keano Lachica, 29 anyos, driver sang motor kag ang iya angkas nga si Jorlan Carabana, 20 anyos lunsay residente sang Barangay Robles.
Sa interview sang DYHB sa traffic investigator nga si PO3 Francis Barillo, ang mga biktima ang nag-halin sa Barangay Cabagna-an apang bangud nga madasig ang ila pagpadalagan, wala na-kontrol sang driver ang iya motor rason nga naka-bunggo sila sa concrete barrier kag nahulog sa taytay.
Bangud sa tuman kabaskog nga impact sang aksidente dead on the spot ang duha.
Facebook Comments
