Padayon ang imbestigasyon karon sa kapolisan kalabot na sa pagbuto sa usa ka bomba sa atubangan sa South Seas MALL sa Cotabato City kagahapong adlawa.
Kini ang gibutyag ni RMN Cotabato Radyoman Amir Sinsuat atol sa interview sa DXCC tatak RMN.
Matud ni Sinsuat nga duha ang patay samtang 32 ang samaran atol sa hitabo.
Naila ang duha ka patay nga sila si Jonathan Tasik-driver ni Bangsamoro Transition Commission Melanio Olama nga taga Maguindanao, ug usa ka Miriam Usman Olaman, 35 anyos.
Samtang gikompirma nga usa Improvised Explosive Device kon IUD ang mibuto sa Cotabato City.
Giingong gama sa black powder ang maong bomba nga adunay mga lansang ug cellphone nga gigamit isip triggering device.
Gibutang ang bomba sa entrance gate sa South Seas mall sa lugar, diin nahimutang ang daghang mga vendors.
Nasayran nga usa sa mga samaran sa insidente mao ang mga bata nga ga-edad og upat ka tuig,
duha ka tuig ug lima ka tuig.
