Landing sa opsital ang duha ka drayber makaligad nga nagbanggaanay alas 6:30 kagab-i sa National Highway, Sitio Valencia, Brgy San Vicente, Banga, South Cotabato.
Pareho wasak ang unahan sang isa ka unit Hi Ace Van, nagaduag sang puti may plaka 1301-00000876212, nakarehistro sa Bio Tech Farm kag ginamaneho ni Peter Batayan, may legal nga edad kag residente sang Barangay San Vicente sa nasambit nga Banwa kag isa ka unit sang Passenger Van, nagaduag sang puti, ginamaneho ni Roderick Bañez Azuelo, 47anyos, residente sang Surallah, South Cotabato.
Sa inisyal nga imbestigasyon sang Banga Police ginasubay sang Hi-Ace Van ang dalanon halin sa Syudad sang Koronadal padulong sa banwa sang Banga, apang sa pihak naman nga dalan ang passenger.
Pag-abot suno pa sa lugar nga gintabuan, nagtalang sa pihak nga dalan ang passenger van sa diin nasumalang ang Hi-Ace Van.
Bangud sa insidente nakaangkon sang pilas ang duha ka drayber kag tigayon naman sila nga gindala sa Ospital sa syudad sang Koronadal.
Suno sa mga testigo maswerte suno pa ang duha ka nga nakapanginlaman bag-o pa nagbanggaanay ang ila sini kag wala sang iban nga pasahero ang passenger van.
