Pilason ang duha ka mga persona, matapos nga tiruhon sa Brgy Poblacion, Lake Sebu, South Cotabato, alas 12:05 kaina sang kaagahon, Abril 29,2021.
Ginkilala ang biktima kay Anthony Trinia Tolido, 27 –anyos kag isa ka 16-anyos, pareho residente sang Brgy Talisay sa nasambit nga banwa.
Sa imbestigasyon sang Lake Sebu MPS ang mga biktima ang sakay sa motorsiklo halin sa Brgy Lamlahak padulong sa Brgy. Poblacion, apang pag-abot sa nasambit nga lugar ginhaboy sang bato kag gintiro ang mga ini sang mga wala nahibaluan nga numero sang mga suspek gamit ang wala nahibaluan nga kalibre sang armas luthang.
Nakaangkon sang igo sang bala sa tiil ang mga biktima nga gindala naman sa ospital.
Gilayon naman nga nagpalagyo ang mga suspek sa wala nahibaluan nga direksyon.
Padayon naman ang imbestigasyon sang Lake Sebu MPS para sa pagkilala kag pag-aresto sa mga suspek.
