Davao City – Malampuson nasikop sa mga otoridad sa San Pedro ang usa ka construction worker ug usa ka mekaniko human namaligya og gituohang shabu atol sa ilang gilusad nga buy bust operation alas 8:35 sa gabii sa Purok 14 Busna Barangay 76-A siyudad sa Davao.
Sa report gikan sa San Pedro Pnp dinakpan mao sila si Diosdado Singcol alyas Junior, 30 anyos usa ka construction worker ug laing usa ka mekaniko nga nailing si Jess Jandayan, 40 anyos parehong residentesa nahisgutang lugar.
Sumala pa napalitan og gidiling droga si Singcol og usa ka sachet sa gituohang shabu bugti sa 500.00 buy bust money samtang si Jandayan nisuway pa usab og baligya ngadto sa mga poseur buyer.
Narekober gikan sa mga suspek ang usa ka medium rectangular sachet sa shabu, usa ka big rectangular sachet nga shabu nga adunay estimated street market value nga 71,500.00 pesos lakip nakompiska ang 14 ka empty elongated transparent sachet ug usa ka digital weighing scale.
Ang duha ka dinakpan balhug na San Pedro Pnp ug mag-atubang kini og kasong kalapasan sa RA 9165 Comprehensive Dangerous Drug Act of 2018.
RadyoMaN Don Pulayao
