General Santos City–Mokabat na ngadto sa 1, 916 ka mga misupak sa executive order ni Gensan City Mayor Ronnel Rivera ang nasikop sa General Santos City Police Office sulod lang sa 15 ka adlaw.
Mao kini ang nahimong pagbutyag ni Police Col. Aden Lagradante, ang city director sa General Santos City Police Office atol sa gipahigayong online presscon sa GSCPO pinaagi sa Gensan Big Eye MIS.
Sumala pa ni Lagradante nga gawas sa dul-an 2mil ka mga nasikop nga violators mukabat usab sa 115 ang ilang napasakaan ug kaso partikular na ang pagsupak sa RPC 151 kon disobedience ug ang direct assault.
Gipanghimak usab ni Col. Lagradante nga relax ang kapulisan sa pagpatuman sa executive order number 29 ni Mayor Rivera.
Gihingusgan usab niini nga strikto sila apan naga konsidera usab hilabi na kung essential ang hinungdan ngano nigawas sa ilang panimalay ang usa ka indibidwal.
Online seller gikinahanglan mag secure ug ID o Business Permit aron nga makalusot sa check point. (CDS)
