Dul-an 20 milyones pesos nga pondo ang gipagawas sa Philippine Crop Insurance Corporation o PCIC alang sa kapin usa ka libo ka mag-uuma sa Bukidnon ug 67 ka mag-uuma sa Misamis Oriental, nga apektado sa kainit sa panahon dinhi sa Northern Mindanao.
Matud ni PCIC 10 Regional Manager Romeo Salting, ang maong pondo gipagawas isip tabang sa epektong hatud sa El Niño phenomenon.
Gipasabot ni Salting nga ang mga mag-uumang miyembro sa Registry System for Basic Sectors in Agriculture o RSBSA mamahimong maka-file og makadawat sa monetary indemnity for losses nga hatud sa El Niño isip tabang gikan sa national government.
Una nang gipahibalo sa Department of Agriculture-10 nga apektado ang mga tanum sa mag-uuma sama sa mais, humay ug mga utanon tungod sa grabeng kainit sa panahon.
