Davao City – Hugot nga gisuportahan sa Police Regional Office XI ang mandato ni PNP chief Debold Sinas batok illegal nga droga ug pagpakusog sa internal cleansing sa han-ay sa kapulisan sa Davao Region.
Gibutyag ni PRO XI Regional Director Police Brigadier General Filmore Escobal walay nagpositibong sa droga sa 3, 594 ka mga pulis nga gipang-drug test sukad niadtong Nobyembre 27, 2020 hangtod Enero 6, 2020.
Matud ni Escobal anaa sa 36.62% ang compliance rate sa gilusad nga drug test sa 9, 815 ka mga kapulisan sa Davao region.
Magpadayon ang mga surpresang drug test sa PRO XI ug nanghinaot si Escobal nga wala gyu’y pulis nga magpositibo sa droga.
Gibatbat ni Escobal nga dakong tabang nga drug free ang mga pulis aron magpabilin ang kredibilidad batok illegal drug use, trade ug proliferation sa droga.
RadyoMaN Aimee Guinita
