Davao City – Mokabat sa 478 ka lugar sa syudad sa Davao ang gipailawom sa lockdown tungod sa kaso sa Coronavirus Disease 2019 (COVID-19)
Gibutyag ni Davao City Mayor Sara Duterte-Carpio (sa interbyu sa city-owned radio), anaa sa 453 ka balay, 18 ka building, unom (6) ka compound ug usa (1) ka eskwelahan ang deklaradong lockdown.
Matud ni Mayor Sara, aduna usay 1,407 ka mga nagkalain-laing personahe ang gi-deploy sa lockdown areas nga maoy nagbantay ug nagmonitor sa apektadong indibidwal nga gilangkuban sa Philippine National Police (PNP), police auxiliary, barangay tanod, Public Safety & Security Command Center (PSSCC) ug barangay personnel.
“Kining atong 478 lockdowns, ang atong gina-utilize ani is 1,407 various personnel,” segun sa alkalde.
Samtang, gipaniguro sa lokal nga gobyerno nga maayudahan ang apektadong indibidwal pinaagi sa City Social Welfare and Development Office (CSWDO), City Agriculture’s Office ug City Veterinarian’s Office partikular na sa pagkaon nga maoy ilang nag-unang panginahanglan.
RadyoMaN Kirby Manzon
