General Santos City— Mukabat na sa dul-an 8 mil katao ang naaresto sa Police Regional Office 12 sulod sa siyam ka bulan gumikan sa mas gipakusgang kampanya batok mga wanted person.
Base sa datus sa Police Regional Office 12 , anaa sa 2, 892 nga mga most wanted ang naarEsto kung asa 364 niini ang gikonsiderang top 10 most wanted ug 2, 508 ang regular wanted.
Anaa usab sa kapin 5mil aang mga naaresto pinaagi sa warrantless arrest kon mga naatuhan nga naghimo ug krimen gikan Enero hangtud na sa bulan sa Setyembre ning tuiga.
Nanguna sa may pinakadaghan nga naarestong most wanted mao ang South Cotabato Provincial Police Office nga may 107 gisundan sa Cotabato Police Provincial Office nga may 83, Sarangani Provincial Police Office nga may 48, General Santos City Police Office nga may 45, Sultan Kudarat Police Office nga may 35, ug Cotabato City nga adunay 16 nga mga naaresto.
Gipaniguro man usab sa Police Regional Office 12 sa pagpanguna ni Police Chief Superintendent Eliseo Rasco nga magpadayon ang ilahang operasyon batok sa mga wanted person nga nagataguan sulod sa rehiyon 12.
