Dul-an usa ka libo ka mga pasyente sa duha ka hospital sa Don Carlos, gipagawas ug temporaryong gibutang sa gymnasium

Dul-an usa ka libo ka mga pasyente sa Don Carlos Doctors Hospital ug Sibonga Sto. Nino Hospital ang gipagawas ug temporaryong nagpasilong sa Gymnasium human gitay-og sa linog kagabii.

Kini ang gipahibalo ni Mr. Romeo Diana II, ang administrator sa Economic Enterprise sa Don Carlos Bukidnon.

Matud ni Diana, kauban sa mga pasyente ang ilang mga watcher sulod sa gym ug naghulat nalang sila sa kamandoan kung pwede na silang mamalik sulod sa hospital.

Saysay pa ni Diana nga kini ang pinaka-kusog nga linog nga ilang nasinatian ug mao usab kini ang unang higayon nga gipagawas ang mga pasyente ug empleyado sa nasangpit nga mga hospital.