Mapuy-an na sunod tuig sa mga informal settlers ang bag-ong balay nga tukuron sa syudad.
Nasayran nga makapahimulos niini ang 960 nga mga pamilya, gikan sa nagkalain-laing brgy., nga mipasar sa evaluation sa city housing urban development department kon chudd.
Matud ni Engr. Ermin Pimentel, ang deparment head sa CHUDD, nga mukabat sa 40 ka mga building ang tukuron sa developer nga Bria homes, kung asa matag building adunay tig 24 ka unit.
Daw sama sa condominium ang puy-an sa mga informal settlers, sa tumong nga ma maximize ang 46,000 sq meter nga yuta sa syudad.
Nasayran nga adunay 51 mil nga informal settler ang syudad, og pina-agi sa programang Building Adequate, Liveable, Affordable, and Inclusive Filipino Communities kon BALAI, sa Housing and Land Use Regulatory Board, mapahiluna sa tagsa-tagsa ka panimalay ang mga mamahimong benepisyaryo.
Matud ni Mayor Oscar Moreno, nga kini ang pinaka paspas nga housing program ubos sa iyang administrasyon, gumikan kay 2 ka bulan pa lamang gikan nag sabot sila Mayor Moreno ug Atty. Lloyd Christopher Lao, ang CEO ug Commissioner sa HLURB, hayan nakamugna na dayon kini og programa, nga haom sa panudlanan sa mga benepisyaryo.
Mahinumduman nga kagahapong adlawa, gipahigayon ang pinirmahay sa Memorandum of Agreement, tali sa syudad pinaagi ni Mayor Oscar Moreno, HLURB, Social Housing Finance Corporation, Bria Homes ug Vista Land.
