Davao City – Pagpakita dili lamang sa matahum nga kultura kon dili, ang pagpasundayag usab sa panaghiusa sa nagkadaiyang mga lumadnong tribu ug bangsa Moro pinaagi sa dula.
Kini ang tumong sa pagpahigayon sa tinuig nga ‘Dula Kadayawan’ isip parte sa kasaulogan sa tinuig nga ‘Kadayawan Sa Davao Festival.’
Gisalmotan kini sa mga tribung Ata, Obu-Manuvu, Bagobo-Klata, Bagobo-Tagabawa, Matigsalug, Iranun, Kagan, Maguindanaon, Maranao, Sama ug Tausug.
Gisugdan ang aktibidad pinaagi sa parada sa mga tribu palibot sa People’s Park ug pagpahigayon sa lumadnong ritwal alang sa malampusong aktibidad ug pagpasalamat sa Magbabaya kun sa Kahitas-an.
Pipila sa mga nalakip nga dula karong tuiga mao ang ‘siklot’ (pick-up sticks), ‘sisibow’ (shatong), ‘totarangki’ (fire making), ‘kakasing,’ ‘solopo’t (bamboo blowgun), ‘pana’, ‘binabayo’ (rice pounding), ‘karang’, ‘usuroy’ (tug- of-war) ug uban pa alang sa mga kababayen-an ug kalalakin-an.
Sumala ni Kevin Bonotan, usa ka Dabawenyo kinsa tinuig na nga nagalantaw sa maong aktibidad, nalingaw kini ug daghang nakat-onan mahitungod sa mabulokong kultura sa onse ka mga ethno-linguistic groupings denhe sa Davao Region:
Nakadawat og cash prizes ingon man trophies ang mga midaug sa nagkadaiyang dula karong tuiga.
Pinaagi sa mga lakang sa lokal nga panggamhanan sama sa ingon niini nga aktibidad, hinay-hinay nang nailhan sa tibuok kalibutan ang maanindot nga kultura sa Davao area ilabi na ang mga gigikanan ingon man sinugdanan ning talagsaon nga mga tribung Dabawnon.
RadyoMaN Jason Amisola
