Pamulak ug Pitik Kadayawan

80

Davao City – Karong tuiga, gipahigayon ang ‘Pamulak sa Kadayawan’ sa ika-upat nga Sabado di’ sama sa miaging mga float parade nga ginatigayon sa ikatulo’ng Domingo sa buwan sa Agosto usa ka adlaw human ang Indak-Indak sa Kadayawan.

Kini aron malukop ang tibuok buwan sa Agosto sa dagko ug nag-unang kalihukan sa selebasyon sa 34th Kadawayan Festival 2019 uban ang dagko nga mga premyo alang sa mga mananaog sa indigay.


Ang ‘Pamulak sa Kadayawan’ pamaagi kini aron makita sa mga dumuduong ug sa mga dabawenyo mismo nga ang Diyos naggasa og tanom, prutas, ug kultura sa dakbayan.

Gani, kung maghisgot kita og Dabaw, baniog kaayo nga ang pinakataas nga bulkan sa Pilipinas nga mao ang Mount Apo makita dinhi sa siyudad.

Ang giilang ‘King of Fruit’ nga mao ang Durian, nasudnong buwak nga Waling-Waling, ug Agila lakip sab makita dinhi sa dakbayan ug dugang pa ang abundansiya nga mainum nga tubig.

Karong tuiga, ang ‘Pamulak sa Kadayawan’ dunay tema nga “Stand, United, and Resilient” ug ang sentro sa mensahe mao ang selebrasyon sa kinabuhi, pasalamat sa gasa sa kinaiyahan, bahandi sa kultura, ug abudansiya nga ani sa mga tanum.

Gibahin sa duha ka kategorya ang ‘Pamulak sa Kadayawan’ competition kini mao ang Dako, Gagmay, ug Alternative Category kun Lahi maingon sab Corporate Floats alang sa non-competing.

Ang 14 ka tiil nga float butangan og 80 porsento nga presko nga buwak, tanum, prutas, gulay, ug mananap nga maoy basehan sa mga board of judges sa ilang paghatag og iskor.

Sa Dako Category, ang 1st place mudaog og P800,000, 2nd place mudawat og P600,000, 3rd place makadawdaw og P400,000, ug samtang ang duha ka consolation prizes tig-P75,000.

Sa Gamay Category, ang 1st Place P400,000, 2nd place P300,000, 3rd place P200,000, ug duha ka consolation prizes nga tig-P50,000.

Alang sa Lahi Category, 1st place P150,000, 2nd place P75,000, 3rd place P50,000, ug duha ka consolation prizes nga tig-P20,000.

Mas mahimo pa gayod sadya apan banha ang ‘Pamulak Parade’ gumikan giapilan kini og Pitik Kadayawan kansang ang matag contingent dunay 20 hangtud 30 ka musicians.

12 ka contingents gikan sa dakbayan ang magtigianay sa ‘Pitik Kadayawan’ ug ang matag usa kanila gi-alokahan og tres ngadto singko minutos sa ilang performance.

80 porsento ang lumadnong kahimanan sa musika ug makadugang usab sila og instrumento nga gama sa lumadnong kahoy nga may kuglog, kudlong, sauroy, sludoy, ug kudyapi kun string ug jingle sa Kadayawan.

Mao kini ang unang higayon sa Kadawayan Festival nga ang ‘Pamulak sa Kadayawan’ gisambogan og ‘Pitik Kadayawan’ competition.

RadyoMaN Joel Viray

Facebook Comments

From Advertisers