Natalana nga magapang-hatag sang tag-isa tunga sa saku nga bugas ang city government sang Dumaguete sa mga qualified nga residente sa maabot nga bulan sang Disyembre, 2020.
Sa announcement nga ginhimo sang city government, ginsiling sini nga derecho nga igadul-ong sa balay mismo sang qualifed nga residente ang 25 ka kilo sang bugas agud malikawan ang risgo sang paglagpta sang COVID-19 kon may patigayunon pa nga pagtililipon.
Ginpahayag nga ang tanan nga mga residente, registered voter man ukon indi ukon SAP recipient man ukon indi, ang eligible nga makabaton sang bugas basta ini sila ang naga-istar sa isa ka household sa ciudad sang Dumaguete.
Samtang, gintugyan sang city government sa mga barangay kapitan sang 30 ka mga barangay sa Dumaguete ang pag-sumiter sang listahan sang ila mga qualified nga residente kon diin ini ang door-to-door nga igadeliver.
[image: image.png]
