Dumot ginalantaw nga motibo sa pagpatay sa kagawad sa Carmen

38

Davao City – Naglusad karon og follow up operation ang kapulisan sa Carmen subay kini sa pagpusil patay sa barangay Kagawad bandang alas 10:45 sa buntag kaganiha sa may Provincial Road, Sitio Kabangcalan, Purok 5, Brgy. Sto. Niño, Carmen, Davao Del Norte.

Giila ang biktima nga si Santos Samoranos, 65 anyos, Barangay kagawad ug residente sa purok Lasuerte, Brgy. Lapaz.

Sa interbyu sa DXDC RMN Davao kang Carmen Police Station Commander PCI Rosendo Mendoza duha ka mga wala mailang suspek ang ilang ginasubay karon kinsa daling niikyas human sa insidente.

Samtang sumala ni Police Regional Office XI spokesperson PCI Milgrace Driz personal nga dumot may kalabutan sa iyang trabaho ang gilantaw nga motibo sa mga kapulisan.

Kahinumduman nagsakay matud pa si Samoranos sa iyang single nga motorsiklo gikan sa ilang balay padulong sa poblacion Carmen, Davao del Norte apan pag abot sa nasangpit nga incident area,

Nakahiagom og pinusilan sa nagkadaiyang parte sa lawas ang biktima igo usab ang ulo niini hinungdan sa iyang kamatayon.

Gisulayan pa og dala sa balay tambalanan ang gipusil nga kagawad apan gideklara na kining dead on arrival.

RadyoMaN Aimee Guinita

Facebook Comments